Vit søkja eftir einum starvsfelaga til Sýnsdeildina at byrja skjótast gjørligt. Tú verður partur av einum dugnaligum toymi, sum áhaldandi arbeiðir við at betra um trygdina á sjónum. Starvið inniber dagligt samskifti við báta- og skipaeigarar, undirveitarar og agentar.
Arbeiðsdagurin er á skrivstovuni og úti um landið. Av og á verður eftirlit framt av føroyskum skipum uttanlands. Arbeiðsdagurin verður skipaður í samráð við deildina.
Vit bjóða eitt arbeiðspláss í støðugari menning, har vit seta okkum realistisk mál, sum vit miðvíst fremja. Er tørvur á skeiðum og eftirútbúgving, so verður hetta sett í verk eftir førimuni.
Á Sjóvinnustýrinum hava vit eitt gott sosialt umhvørvi, har starvsfólkarøkt, -menning og -trivnaður eru høgt í metum.
Starvið inniber m.a. hesar uppgávur:
Sýn og málsviðgerð í samband við nýbygningar, umbyggingar, innflaggingar, o.a.
Fremjan, uppfylging og málsviðgerð av tíðarbundnum sýnum.
Eftirlit við løggildum undirveitarunum.
Luttaka í tvørgangandi verkætlanum og innanhýsis toymum á stovninum
Luttaka í kanningum av vanlukkum á sjónum
Vera partur av vakttelefon-skipan
Útbúgving og arbeiðsroyndir
Til starvið krevst ein av niðanfyri nevndu útbúgvingum:
Maskinmeistaraútbúgving við í minsta lagi 3 ára royndum á sjónum sum yvirmaður
Skipsføraraútbúgving við í minsta lagi 3 ára royndum á sjónum sum yvirmaður
Verkfrøðingur innan viðkomandi øki við 3 ára viðkomandi arbeiðsroyndum
Vit vænta at tú hevur eina ella fleiri av niðanfyristandandi royndum
Góð evni at samskifta á føroyskum, enskum og norðurlendskum máli
Góðan førleika at arbeiða sjálvstøðugt
Góðar KT-førleikar á brúkarastøði
Góð samstarvsevnir
Vit vóna at tú hevur eina ella fleiri av niðanfyristandandi royndum
Royndir frá líknandi starvi ella viðurkendum klassafelag
Royndir frá skipasmíði
Royndir frá umsjón við nýbygging av skipum
Kennir til almenna umsiting
Setanartreytir:
Starvið verður lønt sambært avtalu millum Fíggjarmálaráðið og avvarðandi yrkisfelag.
Tann setti verður harumframt partur av løntari vaktarskipan.
Tænastustaðurin er á Giljanesi í Vágum.
Tann, ið settur verður, má kunna tola broytingar í starvinum, og at økið verður umskipað til eisini at fevna um aðrar uppgávur. Starvið verður sett skjótast gjørligt ella eftir avtalu.
Umsóknir:
Umsóknir, saman við avriti av prógvum og møguligum viðmælum, skulu vera Sjóvinnustýrinum í hendi í seinasta lagi 14/06/2024, kl. 12.00.
Um tú hevur spurningar um starvið, ber til at ringja til Eyðun Anthoniussen, deildarleiðara, á tlf. 355600.
Sjóvinnustýrið er ein stovnur undir Umhvørvis- og vinnumálaránum. Ábyrgdarøkið hjá stovninum hevur útgangsstøði í sjóvinnuni og rammunum fyri hesi vinnu. Hetta fevnir um sjóvinnupolitikk og lóggávu, eftirlit við bygging av føroyskum skipum og hvussu hesi eru gjørd út, áseting um manning, at tryggja arbeiðsumhvørvið umborð á skipum, umhvørvisvernd og skráseting í Føroya Skipaskrá og Føroya Altjóða Skipaskrá.
Høvuðsendamálið hjá Sjóvinnustýrinum er at fyribyrgja óhapp og tryggja høgt trygdarstøði fyri før undir føroyskum flaggi og manning teirra. Harumframt miðar Sjóvinnustýrið ímóti, framhaldandi at menna kappingarførið hjá FAS.
