Sjóvinnubræv og førleikaprógv, sum skipselektrikari
Sí flóðkort - førleikaprógv sum skipselektrikari
Sí flóðkort - sjóvinnubræv sum skipselektrikari
Mynstring sum skipseletrikari eftir 1. januar 2017.
Førleikaprógv sum skipselektrikari – STCW III/7
Fyri at fáa førleikaprógv sum skipselektrikari eru krøvini, at umsøkjari hevur skeið sbrt. STCW III/7 og 3 mánaðir siglingartíð við havfarandi skipum við framtøkumegi á 750 kW ella meira. Siglingartíðin skal vera innan fyri elektrikaraarbeiði ella maskintænastu.
Gevið gætur! Fram til 1. januar 2017 kunnu sjófólk, sum ikki hava skeið sbrt. STCW III/7, men sum hava 12 mánaðir siglingartíð sum skipselektrikari ella innan maskintænastu við havfarandi skipum við framtøkumegi á 750 kW ella meira, kortini fáa førleikaprógv sum skipselektrikari.
Sjóvinnubræv sum skipseletrikari – STCW III/6
Fyri at fáa sjóvinnubræv sum skipselektrikari eru krøvini, at umsøkjari hevur skeið sbrt. STCW kap. III/6, yrkisútbúgving við sveinabrævi sum elektrikari og 12 mánaðir elektrikaraarbeiði ella maskintænastu við havfarandi skipum við framtøkumegi á 750 kW ella meira.
Gevið gætur! Fram til 1. januar 2017 kunnu sjófólk, sum ikki hava skeið sbrt. STCW III/6, men sum hava í minsta lagi 24 mánaðir elektrikaraarbeiði ella maskintænastu við havfarandi skipum við framtøkumegi á 750 kW ella meira, kortini fáa sjóvinnubræv sum elektrikari.
Umsókn
Vit mæla til, at tú søkir á online skipan okkara. Har sært tú greitt, hvørji krøv eru til títt sjóvinnubræv, og hvat tú skalt senda við. Viðgerðartíðin er eisini munandi styttri, um tú søkir online.
Tú kanst eisini útfylla eina umsókn og senda Sjóvinnustýrinum hana við telduposti til fma@fma.fo ella við vanligum posti.
Oyðublað: Umsókn um sjóvinnubræv ella førleikaprógv
Gevið gætur, at tey sjófólk, sum ikki lúka hesi krøv, kunnu seta seg í samband við Sjóvinnustýrið, tá talan er um eina skiftistíð og tískil kunnu sjófólk verða fevnd av skiftisreglum.