Søk sjóvinnubræv online á Sjóprógv - trýst her.
Tú søkir um sjóvinnubræv, førleikaprógv og endurnýggjan á online-skipan. Her sært tú, hvørji prógv eru kravd til títt sjóvinnubræv, og hvørji skjøl skulu sendast við.
Tá tú hevur gjørt tær eina vangamynd og goymt tíni skjøl í skipanini, kanst tú søkja um viðkomandi vinnubræv. Umsóknin verður viðgjørd, tá øll skjøl eru uppsend. Tú rindar eisini fyri vinnubrævið í skipanini.
Viðgerðartíðin er tengd at, hvussu nógvar umsóknir Sjóvinnustýrið hevur at viðgera. Men vanliga kanst tú vænta eina viðgerðartíð á tvær vikur.
Legg til merkis, at kunngerðin gevur tær høvi søkja um sjóvinnubræv 6 mánaðir, áðrenn verandi sjóvinnubræv gongur út.
Um tað av onkrari orsøk ikki ber til hjá tær at søkja online, kanst tú seta teg í samband við ein av okkara málsviðgerðum á tel. 355600.