Nýggja skipið hjá Faroe Ship, Selfoss, varð skrásett í Føroysku Altjóða Skipaskránna í gjár. Í tíðindaskrivi frá Faroe Ship verður sagt frá, at Eimskip valdi FAS, tí skipanin er altjóða kappingarfør, og samstundis fáa Føroyar inntøkurnar av skrásetingar- og umsitingargjøldum umframt inntøkur av avleiddum virksemi.
Sjóvinnustýrið og FAS gleðast um avgerðina og síggja fram til framhaldandi gott samstarv.
Selfoss er bygt í 2008 og lastar 698 TEU. Skipið skal sigla við farmi millum Ísland, Føroyar og Skandinavia.
Sí annars tekniskar upplýsingar um Selfoss í Teyggjuni.
Sjóvinnustýrið, 19. mai 2017
