Vitaverk er deild hjá Sjóvinnustýrinum, sum tekur sær av vitum, sjóuppmerking, siglingarskipanum o.ø.
Føroyar yvirtóku tann 1. juni 2024 raksturin av 24 vitum frá dønum. Deildin hevur ábyrgd av rakstrinum hesum vitum.
Umframt hetta hevur deildin eftirlit við Sjóuppmerking, siglingarskipanum og øðrum. Landsverk kann útinna eftirlit vegna Sjóvinnustýrið.
Tá talan er um nýgerð, broyting ella niðurtøku av hesum skal umsókn sendast Sjóvinnustýrinum minst 6 vikur, áðrenn ætlanin er at byrja arbeiðið.