Siglingarbókina fært tú á skrivstovuni hjá Sjóvinnustýrinum á Hillingatanga 2, 360 Sandavágur. Hav eina nýggja passmynd og pass við. Rindað verður við gjaldskorti. Kostnaðurin er kr. 200.
Sjófólk, sum mynstra umborð á føroyskum skipi, skulu hava siglingarbók.
Fyri at fáa siglingarbók skal umsøkjari verða fyltur 16 ár. Hjá persónum undir 18 ár, skulu tey, ið hava foreldramyndugleika, skriva undir umsóknarblaðið. Um tvey foreldur hava foreldramyndugleikan, skulu bæði skrivað undir umsóknarblaðið.
GG: Tað ber ikki til at søkja siglingarbók við telduposti.
Um ikki ber til at koma á skrivstovu okkara
Tú kanst eisini fáa siglingarbókina sendandi við Posta. Tá skalt tú fyrst senda okkum:
- undirskrivað umsóknarblað
- passmynd, ið ikki er eldri enn 2 ár
- avrit av passi
- kvittan fyri flyting* á kontu 6460-425.451.3
*Kostnaður:
Siglingarbók kr. 200,-
Postgjald í Føroyum kr. 23,-
Postgjald til útlandið kr. 33,-
Send brævið við umsókn og nevndu skjølum til:
Sjóvinnustýrið
á Hillingatanga 2
FO-360 Sandavágur
Viðmerk: Siglingarbók
Tað ber ikki til at søkja um siglingarbók við telduposti, tí passmyndin skal vera ein fysisk mynd.