Fráboðanarskylda
Tá óhapp, hendingar ella andlát henda um borð á føroyskum skipi ella útlendskum skipi í føroyskum sjóøki, skal skiparin ella reiðarin beinanvegin boða Sjóvinnustýrinum frá hesum á telefon 35 56 00.
Hetta fevnir millum annað um støður, har:
- ein persónur er farin fyri borð, hevur fingið álvarsligan skaða ella er deyður,
- skipið er vorðið ómanøvruført, hevur tikið í botn ella hevur verið fyri samanstoyti, ásigling, eldi, spreinging, leka, slagsíðu, er koppað, gingið burtur ella er evakuerað,
- materiellur skaði er komin á eitt skip ella havnarkervi uttan fyri skipið, sum kann hava við sær álvarsligan vanda fyri trygdina,
- álvarsligur umhvørvisskaði er hendur orsakað av skaða á einum ella fleiri skipum, ella vandi hevur verið fyri slíkum skaða, ella
- ítøkiligur vandi hevur verið fyri sjóvanlukku, til dømis vandi fyri samanstoyti, grunnstoyting, eldi ella ásigling í sambandi við raksturin av skipinum.
Harumframt skal skiparin sum skjótast og í seinasta lagi 9 dagar eftir fyrsta fráverudag við oyðublaði boða Sjóvinnustýrinum frá arbeiðsvanlukku ella eitran, um hetta hevur havt við sær, at tann skaddi:
- er deyður,
- hevur verið burtur frá sínum vanliga arbeiði longur enn sjálvan skaðadagin, ella
- ikki hevur verið førur fyri at røkt sítt vanliga arbeiði í ein dag ella meira, umframt dagin tá skaðin hendi.
Fráboðanar verða sendar til fma@fma.fo
Eftir arbeiðstíð svarar Sjóvinnustýrið á vakttelefonnr. +298 333 198
Lógarheimild: Kunngerð nr. 90 frá 26. oktober 2026 um at boða frá vanlukku o.ø. á sjónum




