• Føroyskt
  • English
  • +298 35 56 00   Tlf
  • Føroyskt
  • English
  • GMDSS / Radioprógv

    Hvussu søki eg um sjóvinnubræv?

    Vit mæla til, at tú søkir á online skipan okkara. Har sært tú greitt, hvørji krøv eru til títt sjóvinnubræv, og hvat tú skalt senda við. Viðgerðartíðin er eisini munandi styttri, um tú søkir online.

    Tú kanst eisini útfylla oyðublað og senda kravdu skjølini saman við umsóknini. Á oyðublaðnum stendur, hvørji skjøl skulu sendast við umsóknini. Gev gætur, at umsóknin verður ikki viðgjørd, fyrr enn øll skjøl eru móttikin.

    Oyðublað: Umsókn GMDSS sjóvinnubræv

    Hvørjar treytir eru til at fáa sjóvinnubræv?

    Sjófólk, ið skulu hava sjóvinnubræv sum radiopassari GMDSS (ROC) ella (GOC), skulu lúka hesar treytir:

    Prógv sum radiopassari: Tá ið søkt verður um fyrsta sjóvinnubræv til GMDSS (GOC) ella (ROC) skal viðkomandi hava fingið ávikavist alment prógv ella avmarkað prógv sum radiopassari frá Fjarskifiseftirlitinum.

    Galdandi heilsuprógv til sjófólk: Umsøkjarar skulu hava galdandi heilsuprógv til sjófólk, ið vísir at viðkomandi bæði er skikkaður til skips- og kagtænastu.

    Siglingartíð: Er talan um endurnýggjan, er krav um, at viðkomandi hevur hildið førleikarnar við líka við at sigla. Viðkomandi skal hava siglt í 1 ár innan síðstu 5 árini ella 3 mánaðir innan síðstu 6 mánaðirnar sum brúgvayvirmaður við havfarandi skipum við radioútgerð A2, A3 ella A4.