• Føroyskt
  • English
  • +298 35 56 00   Tlf
  • Føroyskt
  • English
  • Skipsatstøðari

    Førleikaprógv, sum skipsatstøðari, fulltikin dekkari og fulltikin motormaður

    Mynstring sum fulltikin dekkari eftir 1. januar 2017
    Eftir 1. januar 2017 skulu sjófólk, sum gera tænastu sum fulltikin dekkari við havfarandi handilsskipum til støddar 500 BT ella meira, hava førleikaprógv sum fulltikin dekkari.
    Hetta merkir, at sjófólk, sum ikki hava neyðugu førleikaprógvini 1. januar 2017, ikki kunnu mynstra sum fulltikin dekkari á omanfyrinevndu skipum.
    Mynstring sum fulltikin motormaður eftir 1. januar 2017
    Eftir 1. januar 2017 skulu sjófólk sum gera tænastu sum fulltikin motormaður við havfarandi handilsskipum við framtøkumegi á 750 kW ella meira hava førleikaprógv sum fulltikin motormaður.
    Hetta merkir, at sjófólk, sum ikki hava neyðugu førleikaprógvini eftir 1. januar 2017, ikki kunnu mynstra sum fulltikin motormaður á omanfyrinevndu skipum.

    Umsókn
    Vit mæla til, at tú søkir á online skipan okkara. Har sært tú greitt, hvørji krøv eru til títt sjóvinnubræv, og hvat tú skalt senda við. Viðgerðartíðin er eisini munandi styttri, um tú søkir online.

    Tú kanst eisini útfylla eina umsókn og senda Sjóvinnustýrinum hana við telduposti til fma@fma.fo ella við vanligum posti.

    Oyðublað
    : Umsókn um sjóvinnubræv ella førleikaprógv

    Flóðkort: Fultikin skipsatstøðari við handilsskipum   Fultikin dekkari við- handilsskipum   Fultikin motormaður

    Gevið gætur, at tey sjófólk, sum ikki lúka hesi krøv, kunnu seta seg í samband við Sjóvinnustýrið, tá talan er um eina skiftistíð og tískil kunnu sjófólk verða fevnd av skiftisreglum.