• Føroyskt
  • English
  • Telefon +298 35 56 00

    VAKTtelefon +298 33 31 98

  • Føroyskt
  • English
  • FAS: Ársins Skip 2017 – FURE NORD

    FURE NORD er Ársins Skip 2017

    Á 2. plássi eru M/V Furevik, M/V Tórsborg og M/V Eldborg.

    Sjóvinnustýrið leggur stóran dent á, at skip í FAS eru væl rikin og trygg. Góð rakstrarúrslit eru við til at vaksa um virðingina fyri føroyska flagginum, og gevur hetta afturljóð á tann hátt, at flaggið fær eina góða plasering á hvíta listanum hjá Paris MoU. Hetta hevur aftur eitt jaligt árin á avleiddu vinnurnar, sum standast av virkseminum í FAS.

    Krøvini frá myndugleikum, farmsendara og eigara, saman við stranga eftirlitinum frá PSC eru ómetaliga høg fyri skipara og manning á farmaskipum. Tí handar Sjóvinnustýrið árliga heiðursmerki til skip undir føroyska flagginum við serliga góðum úrslitum í Port State Control, og fær viðkomandi skip heiðuri “Ársins Skip”.

    Skipið við bestu rakstrarúrslitunum verður funnið við at hyggja at:

    • Úrslitunum frá PSC seinastu trý árini. Eftirlit við null feilum verða tald og lønt soleiðis:

    - Expanded – 3 stig
    - MDI – 2 stig
    - Initial – 1 stig

    • Skip, sum ikki eru kannaði í Paris MoU-øki, verða lønt við 3 stigum árliga.
    • Um tvey skip hava somu avrik í omanfyristandandi, trekkir tað uppeftir, at skipið eingi punkt ella viðmerkingar hevur í klassaskjølunum ella onga viðmerking hevur fingið frá øðrum eftirlitsmyndugleikum.

    Í 2017 er tað serliga hent, at trý skip eru á øðrum plássi við neyvt sama stigatali. Hetta er sermerkt og ber boð um, at skip og reiðarí taka skiparakstur í álvara, og hetta er at gleðast um. Hetta er samstundis 2. árið á rað, at Fure Nord er ársins skip.

    Greitt er, at nógv ábyrgd liggur umborð. Kravt verður av skiparanum at halda vakið eyga við øllum skipsskjølum eins væl og við pappírunum hjá manningini. Harafturat má hann halda fólkinum til við neyvum sjálvseftirliti umborð og tryggja sær, at skipið til eina og hvørja tíð er til reiðar at taka ímóti sýnsfólki.

    Men hollur stuðul frá avvarðandi rakstrarfelag, tekniska toyminum og DPA hava eisini avgerandi týdning fyri, at skipini kunnu sigla uttan trupulleikar og røkka góðum úrslitum. Á hesum grundarlagi eru vit í Sjóvinnustýrinum fegin um at kjósa

     

    M/V FURE NORD
    – Ársins Skip 2017 –

    og

    M/V FUREVIK – M/V TÓRSBORG – M/V ELDBORG

    - á 2. plássi -

     

    Sjóvinnustýrið ynskir skipum og reiðaríum hjartaliga til lukku við heiðrinum.